महाराष्‍ट्र शासनाने असंघटित कामगारांच्‍या मुलांच्‍या शिक्षणासाठी मोठी तरतूद केली असून मुलांना आ‍ता उच्‍च शिक्षण घेण्‍यात अडचण येणार नाही यासाठी खालील प्रमाणे तदतूर करण्‍यात आली आहे.
असंघटित कामगारांच्‍या दोन पाल्‍यांना 1 ली ते 7 वी साठी प्रतिवर्षी 2500 रूपये किंवा 8 वी ते 10 वीसाठी प्रतिवर्षी 5000 रूपये देण्‍यात येणार आहे. तसेच दोन पाल्‍यांना इयत्‍ता 10 वी व इयत्‍ता 12 मध्‍ये 50% किंवा अधिक गुण मिळाल्‍यास 10 हजार रूपये देण्‍यात येणार आहे.
दोन पाल्‍यांना इयत्‍ता 11 वी व 12 वी च्‍या शिक्षणासाठी प्रति शैक्षणिक वर्षी 10,000 रूपये देण्‍यात येणार आहे. तसेच दोन पाल्‍यांना अथवा पुरूष कामगारांच्‍या पत्‍नीस पदवी च्‍या प्रथम, द्वितीय व तृतीय वर्षाच्‍या प्रवेश, पुस्‍तके व शैक्षणिक सामुग्रीसाठी प्रति वर्षी 20,000/- रूपये देण्‍यात येणार आहे.
तसेच दोन पाल्‍यांना अथवा पुरूष कामगाराच्‍या पत्‍नीस वैद्यकीय पदवी अभ्‍यासक्रमासाठी रू. 1,00000 (एक लाख) व अभियांत्रिकी पदवी अभ्‍यासक्रमा करीता रू. 60,000/- देण्‍यात येणार आहे. तसेच दोन पाल्‍यांना शासनमान्‍य पदवीके करीता प्रतिवर्षी 20,000/- व पदव्‍युत्‍तर पदविकेमध्‍ये रू.25,000/- देण्‍यात येणार आहे.
या शिवाय दोन पाल्‍यांना संगणकाचे शिक्षण MS-CIT करीता शुल्‍काची प्रतिपुर्ती केली जाणार आहे. म्‍हणजेच कोर्सची फी दिली जाणार आहे. याचाच अर्थ विविध अभ्‍यासक्रमासाठी शासनाकडून तरतूद करण्‍यात आली आहे. अधिक माहितीसाठी https://mahabocw.in/ या वेबसाईटला किंवा असंघटित कामगार मंडळाच्‍या कार्यालयाशी संपर्क साधावा.
सरकारी योजना व विविध माहितीसाठी येथे क्लिक करा…
बांधवांनो, सरकारी योजना व इतर माहिती आपल्‍या मोबाईलवर नेहमी मिळवण्‍यासाठी स्‍क्रीनवर दिसत असलेल्‍या व्‍हाट्सअॅप चिन्‍हाला क्लिक करून आमच्‍या ग्रुपला जॉईन व्‍हा.